यमबुद्ध

अनिल अधिकारी; (२०४४ जेठ १६ - २०७३ माघ २) एक नेपाली र्‍यापर थिए। उनलाई नेपाली हिपहपका सबैभन्दा प्रभावशाली र्‍यापरहरू मध्ये एक मानिन्छ र प्रायः "नेपहपको राजा" भनेर चिनिन्छ। उनका गीतहरू साथी, आमा, आउँदैछु छु मा, यो प्रसङ्ग, अन्त्यको सुरुवत आदि लोकप्रिय छन्। उनी लोकप्रिय र्‍याप ब्याटल कार्यक्रम र बार्जका निर्माता र प्रस्तोता थिए।

प्रारम्भिक जीवन

यम बुद्धको जन्म २०४४ जेठ १६ गते धनकुटाको लेगुवामा राजनीतिज्ञ अम्बिकाप्रसाद अधिकारी र उर्मिला अधिकारीको कोखबाट अनिल अधिकारीको रूपमा भएको थियो। उनीहरूको परिवार बसाईँ सरेर केही वर्ष मोरङको सलाकपुरमा बसेका थिए र आफ्ना आमाबाबुसँगै पुन काठमाडौं बसाइँ सरेका थिए। करिब २ वर्ष सलकपुरमा हजुरबुवा हजुरआमासँग बस्न गएका उनले इटहरीको पाथीभरा बोर्डिङ स्कुलमा कक्षा ४ र ५ को अध्ययन गरेका थिएका थिए। उनी एक्सेलसियर स्कुल स्वयम्भूमा कक्षा ६ मा पढ्न काठमाडौँ फर्केका थिए। उनले द एक्सेलसियर स्कुलबाट प्रवेशिका र एड मार्क एकेडेमीबाट उच्च शिक्षा (१०+२) हासिल गरेका थिए।

व्यक्तिगत जीवन

यमबुद्ध सन् २००९ मा बेलायत गएका थिए। सन् २०१३ मा उनले प्रेमिका अस्मिता सेढाईसँग विवाह गरे र उनीसँगै लन्डन फर्केका थिए। २०७३ माघ २ गते उनी बाथरुममा मृत भेटिएका थिए।

एल्बमहरू

यम बुद्धका चर्चित र मुख्य एल्बमहरू निम्न अनुसार रहेका छन्।

1. सरकारलाई च्यालेन्ज हो
2. मेरो जुत्तामा
3. साथी
4. आउँदैछु म
5. फुटपाथ मेरो घर
6. यो प्रसङ्ग
7. दिदी
8. अन्त्यको सुरुवात
9. नाचन
10. आमा
11. मलामी
12. खतरा(आफ्नो निधन भन्दा तीन दिनअघि आफ्नो ट्वीटरमा नयाँ एल्बम ‘खतरा’ लिएर प्रस्तुत हुने जानकारी दिएका थिए।)

मृत्यु

उनको मृत्यु २०७३ माघ २ मा बेलायतको राजधानी लन्डन भएको थियो।

२०७३ माघ १ गते आफ्नो काम सकाएर मध्यरातमा सुत्न ओछ्यानमा गएका यम भोलिपल्ट मृत भेटिएका थिए। बिहान ६ बजे बाथरुमको ढोका बन्द भएको पाएपछि परिवारका सदस्यले साँचो खोलेर हेर्दा उनी बाथरुमको झ्यालको फलामे डण्डीमा पेटीले बाँधेर झुण्डिएको अवस्थामा भेटिएका थिए।

सन्दर्भ सामग्रीहरू

नेपाली विश्वकोशका सम्पादकहरू। “यमबुद्ध।” नेपाली विश्वकोश, ७ नोभेम्बर २०२६, https://nepaliencyclopedia.com/nepali-encyclopedia/%E0%A4%AF%E0%A4%AE%E0%A4%AC%E0%A5%81%E0%A4%A6%E0%A5%8D%E0%A4%A7। हेरिएको: १२ नोभेम्बर २०२६।

Nepali Encyclopedia Editors. (2026). यमबुद्ध. In Nepali Encyclopedia. Retrieved 2026-11-12, from https://nepaliencyclopedia.com/nepali-encyclopedia/%E0%A4%AF%E0%A4%AE%E0%A4%AC%E0%A5%81%E0%A4%A6%E0%A5%8D%E0%A4%A7

@misc{ne_703,
  title = {यमबुद्ध},
  author = {{Nepali Encyclopedia Editors}},
  howpublished = {\url{https://nepaliencyclopedia.com/nepali-encyclopedia/%E0%A4%AF%E0%A4%AE%E0%A4%AC%E0%A5%81%E0%A4%A6%E0%A5%8D%E0%A4%A7}},
  year = {2026},
  note = {Accessed 2026-11-12}
}